Ang Matanda sa Jollibee..

May tindahan ng gulay ang nanay ko noon. Sa Divisoria pa siya namimili ng mga paninda tuwing biernes. Kapag bakasyon na sa ekwela madalas ay isinasama niya ang isa sa aming magkakapatid para mamili at maging bantay na rin sa mga gulay na nabili niya..Ang dami kasing mandarambong sa Divisoria..

Siyempre bata pa ako noon at madaling magutom..Kapag bata, isa lang ang alam na fastfood chain di ba? Ano fa nga ba? Eh di "Jollibee!!"..

Okey, pagkatapos ng konting pilitan kay Nanay ay napapayag ko rin siya..

Sa may entrance ng Jollibee, may nagtitinda na matandang babae sa gilid nito.. may isang malaking lalagyan kaso may takip tapos ang baho pa niya!

So ako, curious sa tinitinda niya..

Ako: um.. Lola.. Ano po yung tinitinda niyo?

Mysterious Woman: Bakit!? Bibili ka ba!? (Pasigaw)

Aba, edi nagulat ako.. tapos nilapitan ko nanay ko, tapos sabi ko itanong if ano yung tinitinda nung ale..

Mama: Magandang umaga po.. Nay, ano po ba yung tinitinda niyo?

Mysterious Woman: Bakit!? Bibili ka ba!? (Pasigaw)

nagulat din nanay ko, sabi sa akin wag na raw namin kausapin o bumili sa kanya kasi masungit nga..

so pumasok na kami sa loob ng Jollibee.. tapos may nakita ako na babae na nagtanong dun sa nagtitinda.. siguro sinungitan din kasi pagpasok niya sa Jollibee, sinumbong niya yung tindera sa Guard..

Lady: Chief, paalisin niyo po yung tindera sa harap ng store niyo kasi ang baho, baka may magreklamo at makarating sa manager niyo, ikaw ang malalagot..

Sekyu: Opo Madam.. Salamat po..

Pinaalis ng guard yung nagtitinda sa pwesto niya.. Nagdadabog ang matanda na nagligpit at parang may sinasabi sa guard..

Tumawid siya sa kabilang kalsada ng biglang...

KA-BLAG!!!! Nasagasaan ang matanda ng rumaragasang jeep na papunta sa palengke ng Divisoria..
Tumilapon lahat ng paninda niya sa kalsada.. mabuti at hindi siya tinakbuhan ng nakasagasa kasi dinala naman siya kaagad sa Hospital..

Kaawa-awang matanda.. nagkalat tuloy yung paninda niya sa kalsada.. as in.. tsk! tsk!